畢業禮終於完咗喇~

比起上次職員培訓，畢業禮攪得算輕鬆一點，所以感覺也比較平淡
唔同既係，上次好俾心機的同時，覺得係為自己負責任
這個畢業禮的過程就出現過不同的困難，包括難受、不認同、急燥......
點解有些人看到時間緊迫和活動的需要，卻因為「未分工話要自己負責」就唔出聲
佢好有責任心？已經做咗好多準備功夫？
淨係明明係佢個位應該負責卻係都要攞出黎問邊個負責，已經好唔負責任啦
曾經因為個結果都係我負責而嬲，嬲唔係因為workload，而係"啖氣"
佢問下就唔使佢負責，黑口黑面又見到有危機都淨係繼續等個"召集人".....認同不了

唯一同上次一樣既係，個活動係得我名下負責，我就唔想俾佢爛，我要努力攪得好好睇睇
但事實上時間好急，畢業禮更加唔係我花幾多時間預備既問題，因為主角係班小朋友
同事真係好好，一齊商量點樣快d好d，d道具點整先靚，小朋友點樣走位最快
最後都係我一個編晒需要既人手、台上面既走位、聚餐既分工同人力.....
八號風球的確能多了一天休息，但對籌備功夫就真係雪上加霜
原本好擔心、勁急勁衝、放工仲四圍搵物資....先做得晒

最後順順利利，見到家長有笑也有淚，院長、同事都好欣賞
很足夠了﹗身體已經疲倦到沒有什麼感覺可言~
但一定要多謝很多人仗義相助：
ECCC的好同事，工作小組的投入(你地d道具好靚、同小朋友的排練好有心思呀~)、
PT哥哥的積極同支援、Boreta日以繼夜的預備、姐姐們的合力.....仲有院長的鼓勵
樂天幫手搵既資訊和提點、Jason放緊假都幫手做攝影師、迪迪放緊假都俾我煩住要借野.....
仲有我的好義工，靜宜同家明﹗
我要把你們每一份的幫忙記下來，多謝多謝﹗